Почитувани сопственици на Opel возила,
Повикувачките кампањи се наменети за Ваша безбедност и усогласеност на возилото со важечките прописи, а интервенцијата се извршува бесплатно.
Во тек е сервисна кампања за безбедносно повлекување на воздушните перничиња на марката „Таката“ и се однесува на голем број брендови на возила и производители од секаде во светот. Хемикалиите содржани во внатрешноста на воздушните перничиња од марка „Таката“ може со тек на време да се истрошат (деградираат), особено ако се изложени на жешки и влажни климатски услови.
Ве молиме проверете дали Вашето возило е дел од повикувачка кампања „Таката“.
Повикувачката кампања „Таката“ за воздушни перничиња, се однесува исклучиво на следниве модели на Opel, произведени во одреден временски период:
- Opel Astra J
- Opel Meriva B
- Opel Mokka A
- Opel Zafira C
- Opel Cascada
Со помош на проверка на VIN бројот (број на шасија) можете лесно да дознаете дали Вашето возило е вклучено во кампањата. VIN бројот се наоѓа во сообраќајната дозвола или во осигурителните документи и се состои од 17 алфанумерички карактери. Доколку Вашето возило е опфатено со повикот, Ве молиме што побрзо закажете термин за замена на воздушни перничиња кај некој од овластените сервисни центри на Opel во Македонија.